على شان خاطر فلسطين عضو جديد
عدد الرسائل : 4 العمر : 28 العمل/الترفيه : الرياضه المزاج : ريق المزاج : المهنة : الهواية : نقاط : 28710 السٌّمعَة : 0 تاريخ التسجيل : 30/08/2008
| موضوع: أغرب قصة حب بالرياض الأحد أغسطس 31, 2008 2:14 pm | |
| أغرب قصة حب بالرياض
--------------------------------------------------------------------------------
يقول بطل القصة
رحت لمحل بيع الكتب المستعمله المكتبة ذي تبيع الكتب الرخيصه رحت لها وشريت لي كتاب وكان عندي اختبار له في اليوم الثاني.. (هذي طريقتي في الاختبارات).. المهم فتحت الكتاب فتحت الصفحة البيضاء اللي بعد الغلاف لقيتها مكتوبة بقلم حبر ناشف، واضح إنه مكروف لين قال آمين، المهم ..
الكتاب طلع لبنت قبل ما تبيعه (يا عمري توها زانت المذاكرة ) والغريب إنها كاتبة الكلام هذا: أنا أدري إنك أول ما تقرا الورقة ذي بتنهبل، بس خلّني أقول لك شي.. أنا صراحة مثلك في الكلية ومقهورة.. ما كتبت هالكلام إلاّ من القهر.. وعندي إحساس إنك بتقدّر ظروفي كونك مثلي عايش نفس الأجواء الحين )!!
وقامت تسب في دكتورة اسمها .... !! وبعد ما شبعت من سبّها.. قالت: وعموماً فرصة سعيدة جداً إني تعرفت عليك، وأشكرك على قراءة كلماتي بس والله ما كتبت إلاّ من الطفش عموماً- أنا فضولية شوي.. ممكن بعد ما تخلّص من الكتاب.. تكتب لي على الوجه الثاني ردّك لي.. ورجعه وأنا بقرا ردّك.. وإن شاء الله إني أبي أجي أشتريه في تاريخ كذا كذا )
ناظرت في التاريخ.. لقيته بكره !!!!!؟ ياساتر وش أسوّي؟ طيب أنا ما ذاكرت.. وش ذا الحظ؟ المهم إني خقيت يعني رحت وطي).. وقررت إني أكتب لها الرد وبرجّعه.. بس قبل كل هذا رحت وصورت الفصول اللي داخله بالاختبار عشان اذاكر
ضبطت لها رد محترم وقلت لها: ترى أبي أشتريه عقب أسبووع .. ورحت أرجعه .. وفعلا رجعته وشراه الزوووول مني بنص السعر
اليوم الثاني بالليل رحت للمحل لقيته الكتاب مباع سألت الـزووول : الكتاب اللي شريته منك أمس وينه؟ قال: امبارح اجتبنت وشالته !!
وانا اللي تنفتح كشرتي لين وصلت اذاني المهم أخذت أنا ويّاها الله لا يقردنا ثلاثة أشهر وحنّا شارين الكتاب بايعين الكتاب.. والمستفيد الـمحل حق الكتاب المستعمل.. لا وبعد صار ما يحطّه في الدرج.. خلاص فهم علينا وصار يخليه عنده على الطاولة ويسلمه لي أو لها أول ما نجي ..
مررررررت الأيام وجيت مرة قلت للـزوول وين الكتاب؟ قال: ما أدري امبارح
جاء راجل أخذ الكتاب.. قلت: يا ابن الحلال قل غير هالكلام الكتاب قديم ومعفّن وأوراقه نصها كتابات.. قال: آآآآآي
عليك الله أخدوه الزول الكتاب الأصفر .. المهم طلعت وركبت السيارة.. ويوم وصلت الإشارة قلت : لحظة يا رجال، الـ..... الحين يقول الكتاب الأصفر.. يا خي هو أحمر أصلا مهوب أصفر .. المهم ديورت بسرعة ودخلت المحل بسررررعة.. تتوقعون وش شفت؟!!!
لقيت الزووووووول ابن الذين ماسك كتابي الأحمر وقاعد يكتب الرسالة اللي أنتظرها في صفحة من الصفحاااات طلع الخال هو اللي انا خاق معه من مده
وش رايكم في الزول ،،، تقبلوا تحيات أبو عبد الله | |
|
sasaa المدير العام
عدد الرسائل : 1023 العمر : 28 الموقع : السويس / مصر العمل/الترفيه : طالب المزاج : تمام المزاج : المهنة : الهواية : نقاط : 29121 السٌّمعَة : 30 تاريخ التسجيل : 14/08/2008
| موضوع: رد: أغرب قصة حب بالرياض الإثنين سبتمبر 01, 2008 7:23 am | |
| شكرا علي القصة الغريبة علي شان خاطر فلسطين أشكرك جدا | |
|
شهنوزة عضو فضي
عدد الرسائل : 389 العمر : 34 الموقع : الـــــقـــــمـــــر العمل/الترفيه : مشاهدة الأنمي المزاج : حبوبة المزاج : المهنة : الهواية : نقاط : 27220 السٌّمعَة : 0 تاريخ التسجيل : 11/09/2009
| موضوع: رد: أغرب قصة حب بالرياض السبت سبتمبر 19, 2009 1:23 pm | |
| | |
|
بنوته كوول عضو ماسي
عدد الرسائل : 1141 العمر : 28 الموقع : K.S.A العمل/الترفيه : طـآلـبـهـ المزاج : كــويــسهـ المزاج : المهنة : الهواية : دعآء منتدى آلآنهآر : نقاط : 28372 السٌّمعَة : 6 تاريخ التسجيل : 14/08/2009
| موضوع: رد: أغرب قصة حب بالرياض الإثنين يوليو 12, 2010 3:08 pm | |
| | |
|